أطرف ,,أقسى موقف مر عليك

[خجل]

مساكم / صباحكم رضى
وأنا جالسة أفرفر في المنتديات لقيت لكم هالموضوع
وبما إني مقلّة في مشاركاتي في هذا القسم
لطشت لكم الموضوع
بـ إختصار اللي يدخل هنا يكتب لنا أطرف ,, أقسى موقف مر عليه
الكل منا يتعرض لمواقف مختلفه بعضها قاسي وبعضها محرج
وبعضها يخليك تتنرفز غصب عنك وتصدر عنك تصرفات
بعد ماتهدأ تحس انها تصرفات فيها من الطرافه الشئ
الكثير ,,
الحين سجلوا لنا مواقفكم ببساطه وتلقائية
,
,

[خجل]

ببدأ أنــا وبنتظر تفاعلكم

،

،

مره وانا ساحبه نفسي للدوام غصب جايه من سفر ومواصله

وبراسي تناحة العالم كلها في ذاك اليوم

تعرفون يوم السبت ومغثته :s76:

المهم وأجي على طول لسجل الحضور والإنصراف بسجل حضوري

ماحسيت الا واناأكتب اسم مو اسمي :(

مدري وش جابه براسي ماصحيت الا بنظرات اللي قدامي

وش ذا اكتبي اسمك مو تكتبين طلاسم

جيت برقعها ماعاد تنترقع:---:

[شامخ]

بعد الثانويه قدمنا على كلية الجبيل الصناعيه
اليوم الأول كان لتقديم الأوراق ثاني يوم يسوون معك مقابله
المهم بعد ماقدمت اوراقي دخلت احد المكاتب وسولفت مع احد الموظفين
وكان إسمه مكتوب على لوحه على مكتبه واسلوبه كان غايه في الروعه طيب وطمنا عن امتحان المقابله وإنه سهل وأنتم من وين واخبار الحفر وخذ سوالف
وبنهاية الجلسه قال اي شي تبونه حاضرين ولا يردكم الا لسانكم قلت يعطيك العافيه ماقصرت
ثاني يوم بعد ماخلصنا المقابله قلت خلني امر عليه عشان اتوسط فيه يشوف نتيجتي
لكني ماحصلته بالمكتب لقيت شخص ثاني جالس مكانه واسوي فيها واثق قلت وين فلان قال شعندك اي خدمه قلت لا ابيه هو وين احصله.,.,
قال أنت تعرفه ؟!!!
((قلت ياولد خلني اكشخ ومنها اذا مالقيته يسنعني اللي جالس يسألني .))
جاوبته له بكل ثقه اي هو ولد خالتي :s3: (( عشان مايكشفني من الاسم ماقلت من عيال عمي او من جماعتنا.,., يعني ضابطها))
تفاجأت فيه وهو يرد علي نعم ياولد خالتي وش عندك.,.,انقلب وجهي خمسين لون .
طلع هو صاحب المكتب و ماكان مداوم أمس وخويه كان ماسك مكانه..!!!!
وكان موقف صعب جدا تعلمت منه كثير.

[البرنس]

أنا كان مرة عندي مقابلة في شركة راائدة وكبيرة اتصلوا علي قالوا تعال مقابلة ... ورحت لهم طاير وقابلت نائب المدير

وبعد أسئلة بسيطة قال لي لحظة راح اشوف المدير وراجعلك .. قالها وانا كنت سرحان شوي وماادري شلون فسرت كلامه على بالي يقول اجلس مكاني ابي اشوف شلون تجلس على المكتب .... المهم قام هو وماامداه يطلع الا وانا جلست على مكتبه :) وهو يشوفني ومستغرب يقول وين يابو الشباب وين رايح ... قلت له انت تقول لي اجلس مكاني .... عاد هو مات من الضحك ... وقال تعال يالقروي وخلك مركز معاي .... وأنا دورني (( قاعد القط وجهي )) :)

[شامخ]

أنا كان مرة عندي مقابلة في شركة راائدة وكبيرة اتصلوا علي قالوا تعال مقابلة ... ورحت لهم طاير وقابلت نائب المدير

وبعد أسئلة بسيطة قال لي لحظة راح اشوف المدير وراجعلك .. قالها وانا كنت سرحان شوي وماادري شلون فسرت كلامه على بالي يقول اجلس مكاني ابي اشوف شلون تجلس على المكتب .... المهم قام هو وماامداه يطلع الا وانا جلست على مكتبه :) وهو يشوفني ومستغرب يقول وين يابو الشباب وين رايح ... قلت له انت تقول لي اجلس مكاني .... عاد هو مات من الضحك ... وقال تعال يالقروي وخلك مركز معاي .... وأنا دورني (( قاعد القط وجهي )) :)

ههههههههههه
أجل ع طول على مكتب نائب المدير
والله اللي ماعنده وقت ؟!!!

[سمو المعاني]

من المواقف :
مره انا وواحد من زملاي ايام الجامعه نسوي بحث عن احد المطارات ( مدري وش لقفنا ضاقت الا نختار البحث عن المطار ) رحنا المطار كننا نبي نغادر ومعنا كمرتنا نصور كل شي . ما درينا على حين غفله منا وانتباهتن من الامن بالمطار الا وهم ما سكيننا وشلحوا كمرتنا ( لكن عقب رجعوها بدون فلم ) وحققوا معنا .
لكن اشوا لما عرفوا بالموضوع ودونا لمكتب عندهم وعطونا صور موجوده عندهم ( بحث جاهز ) رب ضارة نافعه .
وسلامةٍ تسلمكم

[خجل]

بقولكم هالموقف صار لنا في هالشتويه اللي طافت
بس قبل اقوله انا بوجهكم من زميلتنا حنين الوجدان :s7:
كنا مضغوطين في العمل وكلفونا بـ إعداد تقرير عاجل واعطونا مهله
يومين .. فكرت قلت بدل مااجلس احاتي لبكره ليش مانداوم بعد العصر
دوام اضافي انا والزميلات اللي معي ونخلص من همه
المهم اتفقنا انا ومعي ثنتين من الزميلات انو.. نداوم المغرب ونكمل الشغل
عشان يوم الاربعاء نسلمه بدري ماودي افوت خميس وجمعه مااروح للشرقيه بسبب
هالتقرير.. مالكم في الطويله
داومنا قريب المغرب واخذنا الشغل ماحسينا الا الساعه 8
كلمت وحده من البنات زوجها يجيها واالثانيه اتصلت على اخوها طلع نايم قلت خلاص تعالي اوصلك وكلمت السواق المهم
شوي الا السياره عند الباب والدنيا مطر وبرد وجمعنا اجهزتنا
وسجلاتنا وطلعنا للسياره استغربت السواق مانزل يأخذ منا الأغراض
قلت يمكن معصب لانو طلعناه في هالجو شلنا احنا حاجاتنا
وقلنا لزميلتنا بننتظرك في السياره مو ماشين لين يجي زوجك قالت
هذا هو قريب تو كلمني عاد انا وزميلتي الثانيه ركبنا في المقاعد الخلفيه وقلت للسواق انتظر لاتمشي مارد علي وانا مادققت
وبقينا ننتظر خويتنا تجيها سيارتها ماودنا نتركها
وهي مو راضيه تجي معنا
قلت للي معي مو شكل زوجهاتأخر
قالت هو يومه سنه بلاك ماتعرفينه هذا لازم تتصل فيه قبل موعد
طلعتها بساعه عشان يجي على الوقت وجلسنا نحش في الرجال:---:
مادرينا الا خويتنا جت وركبت قدام انهبلنا وش جاها ذي
طلعنا راكبين سيارة زوجها والرجال ماهو السواق
طلع زوجها توه جاي بملابس الشغل:s3:
وسيارته نفس سيارتنا والدنيا ظلام ومطر ماركزنا عاد
نزلنا وحنا طايحتن وجيهنا وخويتنا ماهي قادره تمسك نفسها من الضحك
طلع زوجها مرسل لها رساله اول ماشافنا ركبنا معه
ياحرام ماقدر يكلمها يفشلنا ولاقدر ينزل في المطر
عاد هي ذلتنا بهالموقف وخلتنا نشيل شغلها والا تخبر كل القسم
تخيلوا نحش في الرجال وهو يسمع:s76:

[أبو عروة]

انا مره عندنا مدرس أيام الثانويه اسمه فهد

وكنا نتكلم عن معاني أسماء الأشخاص

وجاء واحد وراء مطفي النور وقال وش معنى اسم فهد ؟؟

انا جيت مشوت وقلت يعني حيوااااان

الا الشباب بالفصل فقعوا ضحك

وانا والله ماجاء على بالي ولا واحد بالميه أن اسمه فهد

نسييييت نسيان

والشباااب ضحك

وفيه واحد بجنبي اسمه فهد طالب الله يذكره بالخير

قلتله معليش مااقصدك وسحبت على المدرس الي يناظرني

وبالأخييير اتذكر ويقمط وجهي تقوول طماطه

عااد قال المدرس عاادي العلماء قبل كانوا يقولون الإنسان يرجع حيوان

ويلتفت لمي ويقول والله ماترقع

[أبو عروة]

بعد الثانويه قدمنا على كلية الجبيل الصناعيه
اليوم الأول كان لتقديم الأوراق ثاني يوم يسوون معك مقابله
المهم بعد ماقدمت اوراقي دخلت احد المكاتب وسولفت مع احد الموظفين
وكان إسمه مكتوب على لوحه على مكتبه واسلوبه كان غايه في الروعه طيب وطمنا عن امتحان المقابله وإنه سهل وأنتم من وين واخبار الحفر وخذ سوالف
وبنهاية الجلسه قال اي شي تبونه حاضرين ولا يردكم الا لسانكم قلت يعطيك العافيه ماقصرت
ثاني يوم بعد ماخلصنا المقابله قلت خلني امر عليه عشان اتوسط فيه يشوف نتيجتي
لكني ماحصلته بالمكتب لقيت شخص ثاني جالس مكانه واسوي فيها واثق قلت وين فلان قال شعندك اي خدمه قلت لا ابيه هو وين احصله.,.,
قال أنت تعرفه ؟!!!
((قلت ياولد خلني اكشخ ومنها اذا مالقيته يسنعني اللي جالس يسألني .))
جاوبته له بكل ثقه اي هو ولد خالتي :s3: (( عشان مايكشفني من الاسم ماقلت من عيال عمي او من جماعتنا.,., يعني ضابطها))
تفاجأت فيه وهو يرد علي نعم ياولد خالتي وش عندك.,.,انقلب وجهي خمسين لون .
طلع هو صاحب المكتب و ماكان مداوم أمس وخويه كان ماسك مكانه..!!!!
وكان موقف صعب جدا تعلمت منه كثير.

هههههههههه

ام الأحرااااج ياشيخ

[أبو عروة]

أنا كان مرة عندي مقابلة في شركة راائدة وكبيرة اتصلوا علي قالوا تعال مقابلة ... ورحت لهم طاير وقابلت نائب المدير

وبعد أسئلة بسيطة قال لي لحظة راح اشوف المدير وراجعلك .. قالها وانا كنت سرحان شوي وماادري شلون فسرت كلامه على بالي يقول اجلس مكاني ابي اشوف شلون تجلس على المكتب .... المهم قام هو وماامداه يطلع الا وانا جلست على مكتبه :) وهو يشوفني ومستغرب يقول وين يابو الشباب وين رايح ... قلت له انت تقول لي اجلس مكاني .... عاد هو مات من الضحك ... وقال تعال يالقروي وخلك مركز معاي .... وأنا دورني (( قاعد القط وجهي )) :)


ههههااااااااااي

بمسكها عليك ترا بقول ابو كرسي

ههههههههه

[أبو عروة]

مرره ثانيه

وكلوني أني اجيب إذاعه بثالث ثانوي

والله العظيم جبت إذاعه من موقع شيعي

وأنا توني بالنت مااعرف شي واجد

عاد جاي الصبح بدري

واوزع الطلاب واتنقى لهم هل تعلم وحكمه >>>>> قديييييم

عاد وانا اتفنن بالألقاء الا يجي هل تعلم أن الحسن والحسين ههههههههه

ومدري ايش الوكاد يوقفون الطابور ويجي مدرس الدين لحق هل تعلم

قلت أشوى اني مقدم ههههههههه توهق هو

عااد صارت سالفه على الفجريه الساعه 7

ويقول هذا الي جايب الإذاعه ومير يجيني مغص

قلت انا جبتها بالنت بعدين أنتم قلتوا جيب إذاعه

والله ويدخلوني غرفه المرشد بعد الطاابور وهاات نصايح

قالوا لي المفرووض نجيب ولي امرك بس عديناها هالمره

[جزاء السلطاني]

عليكم مواقف هههههههههههههه


الحمد لله الذي عافانا مما ابتلاكم به :--:


خجل انت وصديقتك يعني افرضي مثلاً يعني الرجال حزة في خاطره وقال لزوجته ليش تسولفين بي عند خوياتك وش دراهم عن اطباعي هههههههههههههههههههههه تخيلي تداوم ثاني يوم مطلقه عندك :--: والله ياهي تبي تقطع شوشتك انت وياها تقطيع :---:






مره من المرارير . .


ايام البداوة طبعاً كنت في الصف الخامس نطلع للبر من يوم الاربعاء عند ابوي وامي هناك :oh:. . كان جارنا عنده " كلاب " الله يعزكم ماحد يقولهن " انزح وراك " وياويل اللي يمشي من جنب غنمهم يقطعونه :D بنات الكلب اللي مايحافن الله .

المهم ارسلني ابوي بعد المغرب رح لفلان خله يجي " يتعشى معنا ويتعلل " انا خابر الكلاب وخابر سواياهن ومستحي اقول لبوي خايف منهن :D لأن لو قلت له راح يتوطى في بطني شلون تخاف من كلاب مايدري اني " بالع العافيه " واتدعوى على هاللي يبي يتعشى عندنا جعله يغص :D


المهم رحت خطوه طويله والثانيه قصيره على شان بنات اللذينـا مايحسن بي قلت بس خلني اوصل الرجعة راح يرجع معي راعيهن مافيه مشكله . . المهم وصلت بسلام طبعاً قلبي شوي ويطلع من ثوبي . . قلت ابو فلان ابوي يقول خله يجي يتعشى معنا ويتعلل يبون يجون الربع . . قال ياوليدي خلاص رح وأنا ألحق بعد شوي :s20: يلعن كفرك يابن اللذينا ياخوك امش معي :sad_2:المهم وقفت شوي يمكن يغير رايه الرجال عرف اني خايف قال ياوليدي رح ماهن يمك الكلاب :D رحت مالكم بطويله المهم يوم وصلت نص المسافة الا اسمع " النبح " واعض ثوبي وانطلق واصيح يااااااااااااايبه يااااااااااااايبه مادريت من السرعة الا وانا بنص بيت الشعر حقنـا وابوي يناظر لي وش بلاك قلت وش بلاي بغيت تعشيني هالكلاب وتقول وش بلاي وانا ادنها بتسووووووه لين صفى راسي :D ومن ذاك اليوم وانا والكلاب اعداء اي كلب اشوفه بالشارع ألعن ابو كلب جابــه :s20:



هذا والسلام عليكم :D

[البرنس]

ههههااااااااااي

بمسكها عليك ترا بقول ابو كرسي

ههههههههه

هههههههه

[البرنس]

ههههههههههه
أجل ع طول على مكتب نائب المدير
والله اللي ماعنده وقت ؟!!!


طاح وجهي ذاك اليوم من قلب والله قلت راح يحسبوني اني دلخ وماراح يوظفوني :)

[البرنس]

مرة من المرارير (( يعني مرة من المرات )) طلعت من البيت رايح للمسجد لصلاة العصر

و ذاك الوقت كان حر ... المهم وانا رايح الا ذيك السيارة اللي صافطة جنب المسجد ومغيمة

قلت ياولد خلني اشوف السيارة بطريقي وانا رايح لان اعجبني شكلها وتغييمتها وحركاتها

المهم يوم قربت مرة قلت خلني اشوف داخلية السيارة واشوف وش مسوي ذا المبدع .... واحط وجهي على القزاز عشان اشوف داخل السيارة

والا ذاك السواد اللي داخل السيارة ويتحرك ..... الا حرمتين بالكشن اللي ورى راعي السيارة مصفط عند المسجد يصلي ومخلي اهله بالسيارة ..... وانا دورني على الموقف .... هذا وانا

رايح للمسجد .... والحريم يطالعون فيني ويقولون وش يبي ذا .... ودخلت المسجد وصلينا العصر و شكلي ماقريت

ولا سورة وقتها في الصلاة من كثر الاحراج ؟؟؟

[السيف]

عليكم مواقف هههههههههههههه








مره من المرارير . .


ايام البداوة طبعاً كنت في الصف الخامس نطلع للبر من يوم الاربعاء عند ابوي وامي هناك :oh:. . كان جارنا عنده " كلاب " الله يعزكم ماحد يقولهن " انزح وراك " وياويل اللي يمشي من جنب غنمهم يقطعونه :d بنات الكلب اللي مايحافن الله .

المهم ارسلني ابوي بعد المغرب رح لفلان خله يجي " يتعشى معنا ويتعلل " انا خابر الكلاب وخابر سواياهن ومستحي اقول لبوي خايف منهن :d لأن لو قلت له راح يتوطى في بطني شلون تخاف من كلاب مايدري اني " بالع العافيه " واتدعوى على هاللي يبي يتعشى عندنا جعله يغص :d


المهم رحت خطوه طويله والثانيه قصيره على شان بنات اللذينـا مايحسن بي قلت بس خلني اوصل الرجعة راح يرجع معي راعيهن مافيه مشكله . . المهم وصلت بسلام طبعاً قلبي شوي ويطلع من ثوبي . . قلت ابو فلان ابوي يقول خله يجي يتعشى معنا ويتعلل يبون يجون الربع . . قال ياوليدي خلاص رح وأنا ألحق بعد شوي :s20: يلعن كفرك يابن اللذينا ياخوك امش معي :sad_2:المهم وقفت شوي يمكن يغير رايه الرجال عرف اني خايف قال ياوليدي رح ماهن يمك الكلاب :d رحت مالكم بطويله المهم يوم وصلت نص المسافة الا اسمع " النبح " واعض ثوبي وانطلق واصيح يااااااااااااايبه يااااااااااااايبه مادريت من السرعة الا وانا بنص بيت الشعر حقنـا وابوي يناظر لي وش بلاك قلت وش بلاي بغيت تعشيني هالكلاب وتقول وش بلاي وانا ادنها بتسووووووه لين صفى راسي :d ومن ذاك اليوم وانا والكلاب اعداء اي كلب اشوفه بالشارع ألعن ابو كلب جابــه :s20:



هذا والسلام عليكم :d


هذي وهي نبحت فقط ،،، شلون لاصارت الدعوى طردي ......... كان علوم ..

أمتعتنا متعك الله بعبادته

[السيف]

مرة من المرارير (( يعني مرة من المرات )) طلعت من البيت رايح للمسجد لصلاة العصر

و ذاك الوقت كان حر ... المهم وانا رايح الا ذيك السيارة اللي صافطة جنب المسجد ومغيمة

قلت ياولد خلني اشوف السيارة بطريقي وانا رايح لان اعجبني شكلها وتغييمتها وحركاتها

المهم يوم قربت مرة قلت خلني اشوف داخلية السيارة واشوف وش مسوي ذا المبدع .... واحط وجهي على القزاز عشان اشوف داخل السيارة

والا ذاك السواد اللي داخل السيارة ويتحرك ..... الا حرمتين بالكشن اللي ورى راعي السيارة مصفط عند المسجد يصلي ومخلي اهله بالسيارة ..... وانا دورني على الموقف .... هذا وانا

رايح للمسجد .... والحريم يطالعون فيني ويقولون وش يبي ذا .... ودخلت المسجد وصلينا العصر و شكلي ماقريت

ولا سورة وقتها في الصلاة من كثر الاحراج ؟؟؟


البرنس على غيرنا هالسالفة ......

[جزاء السلطاني]

ابو تركي لو الدعوه طردي كان تعديت بيت اهلي :D الحمد لله الذي منَّ علينا بالتمدن وترك البران :biggrin23:

[البرنس]

البرنس على غيرنا هالسالفة ......
لايروح فكرك لبعيد يعمري ... السالفة أيام الثانوية (( ياحياة الشقا ))

[عبد_الله]

شكلكم عندكم فضايح بس الكل لابد وما وده يطلع شي

انا عارف مواقف كثيره عن بعضكم ،، ومحرجه لكن بنخليها مستوره .....

لي موقف واحد لا أحسد عليه ،، في أحد أعياد الأضحى شمرت عن ذرعاني باذبح واصلخ الذبيحه اللي وافق الحظ انها تكون سمينه بالحيل ،، فذكيتها وانا انتظر تطلع الروح وسعت بالمكان اللي انا فيه ومنه شلت حوض الماء ابي احذفه وراء سور قصير ....الحوض هذا له ارجل تحت كل رجل قطعة صاج مربعه صغيره موضوعه حتى لا تنغرس ارجل الحوض بالتراب ،، هذه القطع حاده جدا كما جربت ،،، قلما حذفته دخلت احدى القطع بذراعي وتسببت بقطع عميق داخل الذراع من الداخل اصبحت ارى محتوى الجلد من الداخل ،، نظرت للجرح في البدايه الأمر كان عادي لكن منظره كان مرعب ، لأول مرة اتعرض لهذا النوع من الجروح ،،ثم قليلا قليلا بدأ الجرح يؤلمني نظرا لتعرضه للهواء ونزيف الدم أصبح يشتد
ولما لم يكن بقربي اسعافات اولية أغلقت الجرح بمنديل بكثرة وبتيب الكهرباء ربطت الجرح بقوة ،،، تردون ليش ،، علشان الحق على الذبيحه لا تبرد فيصبح السلخ أصعب ( اسألوا جزاء ) فناديت عبدالعزيز وامه وساعدوني على الذبيحه حتى انتهيت او تقريبا ، ثم ذهبت للمستشفى وانا بالكاد ارى الطريق ،، وقد ناديت اخي ليوصلني للمستشفى لكنه تأخر علي ... فلما وصلت للمستشفى ودخلت داخل واذ بأخي يدخل معي بالمستشفى ،،،، فالإحراج أنه لحظة جلوسي على الكرسي قام المسعف بوضع المطهر وعندها غبت عن الوعي وانا أتكلم ... ،، وقال أخي أنني كنت اتكلم وانا غائب عن الوعي أيضا ... ولما انتهوا من خياطة الجرح استيقظت والعالم تطالع فيني وتضحك على السوالف اللي ما سولفتها ولا ادري وش هي ....


سالفه طويله صح .............

[خجل]

اثاري عليكم فضايح :d


<< مو بس هي اللي تتمتع بالدلاخه :---:

[ورد الجوري]

:

آآآآآآآآآآآآه يا كثر المواقف المبكية من كثر الإحراج

:

مره من المراااااااير المره

كنت حامل بالشهر الأخير

و وقت الإختبارات و تصحيح من الساعة 9 إلى 2 ونص بعد الظهر

دقيت على أبو عيالي تعاااااال خلاص خلصنا .. و انا منتهيه

انتظرت دقايق عند الباب إلا السياره يوم وقفت .. طلعت على طوووول ما صدقت إن ساعة الفرج جت

فتحت الباب كالعادة .. و اتمااااااااااايل على مركا السياره و هاااااااااااااات يا ونونه .. و آآآآآآآهااااااااات

وشكاااااوي .. و ( نثرت قشي كللللللللله ) :cry_1:

اللي لفت انتباهي .. إن أبو الشباب ما تلكم ولا كلمه .. ولا رد .. ولا تعاطف مع ( ونونتي )

:

لمحت القابع وراء المقود .. :cry_1: .. ياااااااااااااااويل قلبي .. مافيه لحية

:cry_1: أنت منو ؟؟؟

>>> رد علي .. أنا مو فلاااااااااااااااااان

إلا و ألزق بالباااااااااااااااب .. لأن حضرتي متكية قدااااام ..

و ألملم قشي .. طلع حماااااي

:

:cry_1:

:cry_1:

:cry_1:


انا يوم دقيت على أبو الشباب .. تعاجز بحكم السودنة اللي مسيطره على معظم رجالنااااااا

أرسل أخوه .. :ranting: .. و المسكين ما كان متوقع هالمشهد اللي شافه .. لأن يقال لي إني شخصية عندهم

و للآآآآآآن ماسك علي هالممسك :s9:

و زوجته كل مره تذكرني بالذي مضى ..



:

[جزاء السلطاني]

دامنا فلينا السبحة امسكوا هذا موقف ليلة زواجي


دخلت على زوجتي بعد إجتماع مكثف مع رجال الدين من العائلة وتوصيات وهلما جرى من إجراءات وإحتياطات وكأنني ذاهب إلى معركة :D اللي يقول اذا دخلت صل ركعتين واللي يقول قبل لا تدخل اقرأ سورة الكهف واللي يقول اذا سلمت على زوجتك حط يدك عليها واقرأ الدعاء ..الخ

طبعاً انا كالحمل الوديع مطييييييييييييع بالمره و مدربي راسي :D


المهم دخلنا بحمد لله لأرض المعركة . . ورأينا عدونــا يتنافض


سلمت ونزلت البشت . . واخذت السجاده وقلت لها تعالي صلي معي :D ماردت علي بنت الحلال وانا اتلايط واصلي لحالي . .


خلصت صلاة وقاعد افكر بالصلاة وش اسوي بعد الركعتين . . تذكرت الدعاء اللي يقولون لازم تحط يدك على راس الزوجه وتقوله . . المهم قربت لها وحطيت يدي وانا اضيع الدعاء :ranting: ياربي وشو وشو وساكت الولد افكر وشو الدعاء وقاعد استرجع كلام المطاوعة وأدعيتهم المهم قلت " بسم الله اللهم جنبنا الشيطان وجنب الشيطان مارزقتنا " :D بصوت واضح بعد مسوي ثقــه الولد :D طلع ماهو الدعاء المقصود . والدعاء اللي قلته لغرض آخر بعد ماعلمت رجال الدين خاصتنا به قالوا مالت عليك وعلى اللي يزوجك . . ياخي هم ارشوني والا لو انهم مخليني على وضعي كان مشت الليلة من غير احراجات . . مايستفاد من هذا الموقف " ياشين المراجعة قبل دخول الاختبار " :D

[فيض الزمان]

للإحراج جمال تتجسده العفوية فتُبقي للعمر ابتسامه عريضة على محيا الايام !!


اضحك الله سنكم ..

[حنيـن الوجدآن ~]

ههههههههههههههههه

ههههههههههه

<< ميته ضحك

عليكم مواقف تووووحفه ههههههههه

خجل

ههههه نو كومنت

لي عودهـ اذا تذكرت شي

[خجل]

ههههههههههههههههه



ههههههههههه

<< ميته ضحك

عليكم مواقف تووووحفه ههههههههه

خجل

ههههه نو كومنت

لي عودهـ اذا تذكرت شي






ههههههههههههههههههههههه
حنين لاياخيتك لاتتذكرين شئ سوي ديليت للذاكره لاتفضحينا

[أبو عروة]

تذكرت موقف صارلي برمضان

تعرفون مطعم كلاسيكال الي مقابل محطه بدر

رحت واطلب وقعدت بالسياره انتظر الطلب

الا يجيني المصري المطوع حق العصاير الي بجنبهم حق الامبراطور

ويقولي اتفضل انا قلت لا شكراَ شكراَ

عاد انا داق معه صحبه لأني اشوفه معنا بالتراويح

قلت شكراَ شكراَ احسبه جايبه هديه هههههههههه

قالي مو انت الي طالب عصير

الا واضيع بخرايطها

قلت لا والله مو انا قال معليش شكله لزبون ثاني

يوم راح قلت اشوى أني ماشربته ههههههههه تخيلوا شكلي عااد

[البرنس]

تذكرت موقف صارلي برمضان

تعرفون مطعم كلاسيكال الي مقابل محطه بدر

رحت واطلب وقعدت بالسياره انتظر الطلب

الا يجيني المصري المطوع حق العصاير الي بجنبهم حق الامبراطور

ويقولي اتفضل انا قلت لا شكراَ شكراَ

عاد انا داق معه صحبه لأني اشوفه معنا بالتراويح

قلت شكراَ شكراَ احسبه جايبه هديه هههههههههه

قالي مو انت الي طالب عصير

الا واضيع بخرايطها

قلت لا والله مو انا قال معليش شكله لزبون ثاني

يوم راح قلت اشوى أني ماشربته ههههههههه تخيلوا شكلي عااد


ههههههههههههه والله زين انك ماشربت كان تلقى المصري ناط بكرشك :)

[وفـــــــــــــاء]

مساء الخير,,أولاً مشكورة خجل على الموضوع
تقريباً كل اسبوع ارجع اقراه خاصة موقف ورد الجوري الله يسعدها..
أنا عندي موقف لكن ماأدري هو محزن أو طريف
بقوله وانتي احكمي


(باجازة الصيف الماضية سافرنا الى احدى مدن مملكتنا الحبيبة عشان نحضر زواج واحد من معارف ابوي
ولما جت ليلة الزواج ماكان لي خلق أروح لكن سبحان الله ربي كاتب اني أحضر وأعيش هالموقف...مالكم بالطويلة
لما دخلنا القاعة كانت زحمـــــــــــــــــــة والناس على بعضهم
المهم انا وخواتي كنا منقبات الحمدلله ورحنا بآخر القاعة وقدامنا مجوعة منقبات.
فجـــــــــــــأة منقبة قدامي طلعت جوال كاميرا وبدت اتصورالحريم اللي على المنصة{حسبي الله عليها}
أنا طبعاً بحكم الدلاخة قعدت ساعة على مااستوعبت السالفة.وهي خلصت تصوير وحطت الجوال بجيبها اليسار
واختي المسكينة تقولي :شنسوي اشلون نتصرف؟؟
أنا لحظتها كنت أتأمل بالحرمة ماشاء الله طول بعرض{لاوالله عرضين}يعني بطرف اصبعها الصغير اطيرني للمريخ
بجد فكرت ابلع العافية واقضب أرضي
لكن ربي شجعني,قلت لاختي:ان طلعت بالجوال من القاعة ماني بنت ابوي{احلى ياقوية}
اتفقت انا وخواتي انهم يروحون ينادون الحارسة أووحدة من خوات المعرس,وانا براقب الحرمة
المشكلة ان الحرمة قامت وشكلها نوت على الهجة{لكن على مين؟؟؟}
هي راحت تمشي ببــــــــــــراءة ولاكأنها سوت شي
ولابعد مرت من طاولة واخذت ورق عنب وأكلته وانا
اقول جعله مايحدر{طبعاً مقصرة صوتي}
وظليت أمشي وراها وانا اتراجف وخانقتني العبرة.
تخيلوا من الخوف لو بس تلتفت علي وتقول:بــــــــو
قسم لأرجع للقيصومة كعابي
بجد أناحسيت اني نكبت نفسي وخواتي طولوا..
وبالاخير جوني يقولون:من الزحمة ماأقدروا يوصلون لاهل المعرس,
فقلت الشكوى لله بنستمر بالمطاردة لما توصل للباب واقول للمفتشة النايمة,وفعلاً لما وصلت للباب صرخت على المفتشة وقلت فتشيها معاها جوال كاميرا.
لكن الغريب ان الحرمة استسلمت وعلى طول طلعت الجوال{اطلعت الحرمة خوافة وانا لي ساعة اتنافض}
ولاشين وقواة عين تقول ماأبي انشر الفيديو!!!أجل ليش مصورة,
المهم هاوشوها واكسروا جوالها{لكن عطوها الشريحة}قهررر.
وبآخر شي اطردوها .كان ودي يبلغون الهيئة
أو على الاقل يأدبونها.لكن اهل المعرس معذورين مايبون فضايح.
الجدير بالذكر اننا هذيك الليلة ماأمرحنا بديرتهم,مسكنا خط القيصومة وانا لازلت انتفض وأحمدالله على السلامة,

استفدت من هذه التجربة:
1-ان مفتشة الجوال ماتكفي لحالها لازم وحدة من خوات المعرس توقف معاها.
2-ان الشخص مهما كان جبان بيجي وقت يتصرف بشجاعة{لكن ماراح يعيدها:ablow:}