دباسه قطن حيوانات شاش قلم سبورة

[عبد_الله]

يا مدارسنا هذه مطالب المدرسه وليست واحده ، مريت على أكثر زملائي من المدارس الأخرى للبنات الإبتدائي وكانت نفس الشيء مطالب خفيفه من ابو ريالين لكن في فترات مختلفه


طيب المدارس ما تعلم بدون مصاريف ،، لو أدخلنا بناتنا واولادنا لمدارس خاصه لأمكننا توفير تعليم طيب ومخصص وبميزانية ثابته بدون مصاريف مفاجئه .

رساله لمدارسنا أرحمونا من هذه المصاريف ... وان كان لا بد منها فليأخذوا ما قيمته تعادل النشاط لسنه كامله بدون ما نفاجأ بأمور صغيره ومقدور عليها لكن تأتي بأيام وأوقات غير مناسبه ...

قدرة الناس ليست واحده فمنا من يستطيع بجهده أو بماله ومنا من لا يستطيع لا جهد ولا مال ..

أنا أؤمن بأهمية النشاط في تنشيط العقول الصغيره بأمور غير القراءة والكتابه لكن الأمور الإداريه المدرسية من ناحية التنظيم يجب أن تكون على دراية بالأمور الحياتيه للأسر فتعمل حسابها حين تطبق النشاطات على الطلبه والطالبات فلا يتم تكليف الطلبه والطالبات بالأمور الماديه خلال الدراسيه ..

اقتراح : ما الذي يمنع أن تطلب المدارس من أولياء الأمور مبلغ مالي قدره من 150 الى 200 ريال ثمنا لنشاط طول السنه .

[شامان]

ابو عبدالعزيز

هذي تعتبر من المستهلكات

يعني برايه ما تبري

قلم صار صغير وما ينمسك

مسطره انكسرت

قطن وشاش وحيوانات ما مرو علي للحين :ablow:

[جازم]

والله يابو عبدالعزيز ان طلباتهن ترهق كاهل القوي وشلون الضعيف الوزارة تمنع والمدرسات ابلشن الطالبات الله يبلشهن هن والنصار النايم اضف الى ذلك البطاطس يباع بالمقاصف وجميع انواع الشكولاتات عشان يكسب المقصف الله يقصف اعمارهن تحياتتى يابوعزوز

[سيف العدل]

جازم على هونك ارفق عليهم

وبعدين تبي تنشال والا لا اللي قلتلي عنها

[بـربيكـآن]

اقتراحكـ ممتاز يابو عزوز

على الاقل يفككـ من الطلبات المفاجئه والي تجي باوقات غير مناسبـه ..

[طنخه]

موضوع جدا مهم وانا من اكثر الناس اللي عانو من هالطلبات

صراحه يعني طلبات مدري وش يبون فيها اقسم بالله قبل تقريبا
اسبوعين طالبين من اختي بصف رابع ابتدائي مزهريه ما ادري وش الفايده منها
والحين طالبين كرت مثل كروت المناسبات وتحط فيها معايده << يمكن اعياد راس السنه
والله هذا انا اشتغل فيه الحين

والله لو تبي تتكلم عن هالموضوع ما يخلص ولا تجد من اذان صاغيه
فقط قل (( الله يعين ))


بالنسبه لاقتراح اخوي عبدالله يعني حتى لو كانت 50 ريال
50 ريال يكفيهم طول السنه يعني لو تبي تحسبها بنقول كل صف فيه 15 طالبه
15 في 50 بطلع عندك 750 ريال وهالمبلع يأمن لك كل المستلزمات للسنه كامله او ترم واحد عالاقل

[عبد_الله]

ابو عبدالعزيز

هذي تعتبر من المستهلكات

يعني برايه ما تبري

قلم صار صغير وما ينمسك

مسطره انكسرت

قطن وشاش وحيوانات ما مرو علي للحين :ablow:




أبو فهد أنا أتكلم عن النشاط وفيه يمر عليك أكثر من قطن وشاش وحيوانات




والله يابو عبدالعزيز ان طلباتهن ترهق كاهل القوي وشلون الضعيف الوزارة تمنع والمدرسات ابلشن الطالبات الله يبلشهن هن والنصار النايم اضف الى ذلك البطاطس يباع بالمقاصف وجميع انواع الشكولاتات عشان يكسب المقصف الله يقصف اعمارهن تحياتتى يابوعزوز




والله يا جازم المشكلة بمفاجأة الطلبة والطالبات ولا ودنا نتحامل على المدرسين والمدرسات لأنهم يعملون ،، والنصار بكيفه ما نبيله طاري عندنا .. ومقصفهم شكلك عندك ملاحظات عليه ...



جازم على هونك ارفق عليهم



وبعدين تبي تنشال والا لا اللي قلتلي عنها




جازم شكله مار عليه شيء منغص عليه ... ياترى وش هو ... (فضوووووول)



اقتراحكـ ممتاز يابو عزوز


على الاقل يفككـ من الطلبات المفاجئه والي تجي باوقات غير مناسبـه ..



وهذا المقصود ،، شكرا لك أخوي بعيد الهقاوي


موضوع جدا مهم وانا من اكثر الناس اللي عانو من هالطلبات

صراحه يعني طلبات مدري وش يبون فيها اقسم بالله قبل تقريبا
اسبوعين طالبين من اختي بصف رابع ابتدائي مزهريه ما ادري وش الفايده منها
والحين طالبين كرت مثل كروت المناسبات وتحط فيها معايده << يمكن اعياد راس السنه
والله هذا انا اشتغل فيه الحين

والله لو تبي تتكلم عن هالموضوع ما يخلص ولا تجد من اذان صاغيه
فقط قل (( الله يعين ))


بالنسبه لاقتراح اخوي عبدالله يعني حتى لو كانت 50 ريال
50 ريال يكفيهم طول السنه يعني لو تبي تحسبها بنقول كل صف فيه 15 طالبه
15 في 50 بطلع عندك 750 ريال وهالمبلع يأمن لك كل المستلزمات للسنه كامله او ترم واحد عالاقل



بعض النشاطات أدري أنها تكلف ،، فهذا الرقم مناسب الا إذا تقلص النشاط ..







شكرا لكم